20 Oct

بيت جوهاري – شطب بيتك – اسال بفضول المتعلم

اسمحلي احيك في البداية انك مستحملني لحد دلوقتي واتمنى فعلا ان يكون في حاجة بسيطة بقدر اوضحها واعلمها من خلال كلامي معاك وزي ما اتعرفنا مع بعض في المقال السابق على كيفية تشطيب الغرفة الثانية من بيت جو وهاري وعرفنا ان في مجهود انا ببذلة علشان اوصل لاحسن اداء في حياتي مع نفسي والناس اللي حواليا اللي بتعامل معاهم على اختلاف المناصب والادوار اللي بلعبها في حياتي الان تعالى افكرك بالغرفة العمياء واللي اسمها كده علشان اول ما حد بيذكر عنك حاجة انت مش عارفها عن نفسك بتكون اجابتك انا !!! والرد ساعتها بيكون اينعم انت !!!

عاملة كده زي اماكن في بيتك بتتفاجئ بيها وبتشوفها لاول مرة بس بعيون الاخرين ، يعني مثلا لما حد يزورك ويقولك المساحة دي لو اتعمل فيها ركنة قهوة هتبقى تحفة وتسمع الكلام وتعمل ركنة القهوة وتبقى فعلا تحفة مع ان المساحة دي قدام عينك بقالها سنين ، بتبقى عاملة كدة زي ما يجي اخوات مراتي ربنا يسعدهم ويباركلهم يساعدوها في ترتيب البيت ولما برجع بالليل وافتح الباب بحس اني مش في شقتنا حاجات كتير اتغيرت من مكانها ولما اتحطت في مكان جديد بقى شكلها احسن واماكن ما كنتش مستثمرة بشكل كويس اصبح ليها لازمة ، محتاج تشوف دايما نفسك بعيون الاخرين مش بعيونك ، لما تحس الاحساس ده وقتها اعلم انك في الغرفة الثالثة والتي فيها اشياء لا تعرفها عن نفسك ويعرفها الاخرون عنك من وقت لاخر تجد من يقول لك انت بياع شاطر والاجابة وقتها تكون بمتتهى التلقائية انا !!! لانك لم تعمل في ادارة المبيعات مطلقا

مفتاح اللغز في الاوضة دي اسال بفضول المتعلم!! وفر للي حواليك بيئة امنة للتعبير واسالهم بفضول المتعلم!! لان البيئة الامنة هتسمح للاخرين انهم يتكلموا براحتهم ويعبروا ، وفضول المتعلم هيخليك تسال اكتر بدل ما تبرر اكتر وخصوصا لما حد يهديك عيب من عيوبك ما حدش قادر يقولهولك من زمان وسواء الكلام عجبك او ماعجبكش ما تاخدوش مسلم وروح اتاكد من حد ثاني ويكون دايما في بالك ان اي حد بتساله هتوفرله بيئة امنه وتساله بفضول المتعلم صدقني هتعرف حاجات كتير عن نفسك ما كنتش شايفها قبل كده وبسبب انك كنت على طول بتبرر او عندك اعذار ومش بتوفر بيئة امنه ما كنش حد بيعبرك ويكلمك عن اللي شايفه فيك ، وفي الوقت ده كمان هتعرف مميزات عنك ما كنتش بتستخدمها خالص او بتستخدمها بشكل غير صحيح

السؤال الاهم اللي لازم تساله ازاي هتسال بفضول المتعلم وتوفر بيئة امنه للي حوليك علشان تقدر تتعرف على المساحة دي وتطورها؟

Leave A Reply

Your email address will not be published. Required fields are marked *