20 Jan

بيت جوهاري – شطب بيتك وابذل مجهد

لو تعبت فانا عايز اقولك ان الموضوع محتاج مجهود ومش سهل وكمان مش مستحيل اهم حاجة تتحرك فيه على قدر جهدك واستطاعتك وخد خطوات صغيرة بس متكررة وزي ما اتعرفنا مع بعض في المقال السابق على كيفية تشطيب الغرفة المفتوحة من بيت جو وهاري علشان اوصل لاحسن اداء في حياتي مع نفسي والناس اللي حواليا اللي بتعامل معاهم على اختلاف المناصب والادوار اللي بلعبها في حياتي الان ، تعالى نكمل رحلة التشطيب وندخل الغرفة المخفية

 وقبل ما ندخل الغرفة الثانية وتبدا تشطب فيها محتاج افكرك ان دي الغرفة اللي فيها الصفات التي تعرفها عن نفسك ولا يعرفها الاخرون عنك اما لانك تتعمد اخفائها فانت تعرف عن نفسك انك متحدث لبق ولكنك لا تظهر ذلك الا نادرا او لانك تستخدمها في مكان ولا تستخدمها في مكان اخر فاصدقائك يعرفون عنك انك مقنع وتستطيع اقناعهم بافكارك الجديدة ولكن لا تستخدم هذه المهارة عند الحديث مع والدك لذا فهي غير معروفة لديه

كل بيت فيه غرف ما يعرفش عنها حاجة الا اهل البيت وده الحال مع الغرفة المخفية ، المناطق المخفية في شخصيتك بتحتاج منك مجهود علشان تعرف الاخرين عليها لان في الغالب في حاجة حصلت بتخليك مش عايز الناس تعرف حاجة عن الغرفة دي اما لاعتبارات العادات والتقاليد او المنصب او اي حاجة انت شايف انها ممكن تاثر على صورتك بالسلب او الايجاب فبتفضل انك تحتفظ بالسر لنفسك وتقفل عليه باب الاوضة

مفتاح اللغز في الاوضة دي ابذل مجهود وعرفهم بنفسك!! اسمع كلامي وابذل مجهود وعرفهم بنفسك على نفسك!! اللي حواليك مش هيعرفوا عنك غير لما تبذل مجهود وتعرفهم على الحاجات الجميلة اللي عندك علشان لو احتاجوها في يوم من الايام يطلبوها زي انك شاطر في التصوير او السواقة او استخدام برامج معينة على الكمبيوتر وكمان الحاجات السلبية اللي محتاج تطورها مش هتعرف تطورها لوحدك زي انك مش بتطيق تكتب تقارير او انك مش بتعرف تشتغل لوحدك من غير ناس حواليك او انك بتلزم نفسك بوعود كتير وتيجي وقت التسليم تلاقي الدنيا اتراكمت وعلشان اللي حواليك يساعدوك ابذل مجهود وعرفهم بنفسك ، وانت اللي بتحدد مين اللي حواليك اللي يهموك وتهمهم علشان كده هتبذل مجهود وتعرفهم

السؤال الاهم اللي لازم تساله على طول علشان تقدر تتحكم في المساحة دي وتطورها انت تعرف ايه عن نفسك ومحتاج تعرفه للاخرين؟

Leave A Reply

Your email address will not be published. Required fields are marked *